O apalpador

O mércores, 18 de decembro, recibimos a visita dun personaxe mítico que vive nas Serras do Courel, na provincia de Lugo; é o Apalpador, que polo Nadal baixa a traerlle castañas asadas aos nenos cando están durmidos e despois apálpalle as barriguiñas para comprobar se comeron ben.

Anxo Moure é un escritor e contacontos. Ademais fai o personaxe de Apalpador.

Cando entrou no noso salón de actos, o primeiro que fixo foi facernos unha proba: 

tiñamos que responder a unhas preguntas:

-Sodes os que queiman os bosques? - Nooon!!!

-Sodes os que ensucian con lixo os ríos e os bosques? - Nooon!!!

Entón xa podiamos ser todos Apalpadores cantanto esta canción:

Apalpa barrigas son,

apalpo barrigas coa miña man

e traio castañas asadas

aos nenos e nenas que comen san.

Todos xuntos dixemos que non a moitas chuches e si aos bocadiños e a comida sana.

Despois ensinounos a mirar o mundo a través das árbores.

E co seu cabaliño nos transportamos ás Serras do Courel.

Alí respiramos o aire puro da natureza e demos gracias aos carballos, sobreiras, bidueiros, buxos, acivros...

Logo démoslle apertas ás árbores e rematamos escoitando a música que saía da buxeira, unha frauta feita de buxo e pereira. O seu son é moi alegre. Gardamos a música nos petos, e se a escoitamos cando estamos tristes enseguida nos fará rir.

Así foi... todo tan divertido.